Fyrsta færanlega gámagegnumlýsingarkerfið á Íslandi.
Verkefnið hefur verið samstarfs- og útboðsverkefni Icepharma með NUCTECH, Ríkiskaupum og Tollstjóra í ein 3 ár. Að því komu komu einnig Brimborg og Parlogis á síðari stigum.
Kerfið er mjög fullkominn og öflugur röntgenbúnaður sem byggður er ofan á Volvo vörubílagrind og vegur nætum 27 tonn. Kerfið er með nýrri tækni og hið fyrsta á Norðurlöndunum af þessari gerð en þar eru fyrir nokkur eldri kerfi. Með þessum búnaði verður starfsmönnum Tollstjóra gert mögulegt að gegnumlýsa vörugáma sem fara um hafnir landsins og hindra þar með flæði ólöglegs innflutnings til og frá landinu s.s. eiturlyfjasmygl. Hér er um ca. 250Mkr verkefni að ræða m.v. núverandi gengi. Stefnt er að því að tæknimenn Icepharma sjái um ýmsa þjónustuþætti vegna kerfisins í framtíðinni að loknum sérstökum námskeiðum í röntgenbúnaði og með NUCTECH. Fyrr á árinu seldum við C-arm röntgenkerfi til FSA en með þessu tökum við stórt skref inn í heim röntgentækja.