Frá og með 1. janúar, 2010 mun Icepaharma annast alla starfsemi BayerHealthCare á Íslandi.
Bayer HealthCare er með höfuðstöðvar í Leverkusen í Þýskalandi. Byggt á víðtækri rannsóknarvinnu, þróar, framleiðir og markaðssetur Bayer vörur sem koma í veg fyrir sjúkdóma, greina þá og/eða lækna. Markmið fyrirtækisins er að bæta heilsu manna og dýra. Deildir innan Bayer Health Care eru: Bayer Schering Pharma AG, Bayer Diabetes Care, dýralyfjadeild og neytendavörudeild. Í heildina starfa 53.100 manns hjá Bayer HealthCare á heimsvísu.
• Bayer Schering Pharma er eitt af stærstu frumlyfjafyrirtækjum í heiminum, með lyf markaðssett í 100 löndum. Í dag einbeitir fyrirtækið sér að rannsóknum á lyfjum á sviði krabbameinslækninga, myndgreiningar, hjartasjúkdóma, karlaheilsu og lyfja sem tengjast heilsu kvenna eins og getnaðarvarnir. Meðal þekktustu lyfja Bayer Schering Pharma á Íslandi eru Microgyn, Yasmin, Adalat, Adalat oros og hormónalykkjan Mirena en rætur fyrirtækisins spanna yfir meira en heila öld og mörg merkileg lyf sem við teljum sjálfsögð í dag, eins og Asprin, eiga rætur sínar að rekja til Bayer Schering Pharma.
Starfsmenn Bayer Schering Pharma hjá Icepharma eru Guðfinna Kristófersdóttir markaðsstjóri og Steinunn Kr. Zóphaníasdóttir markaðsfulltrúi
• Bayer Diabetes Care sykursýkisvörur frá Bayer HealthCare eru leiðandi á heimsmarkaði á sviði blóðsykursmælinga. Bayer Diabetes Care hefur þróað og framleitt blóðsykursmæla og strimla í meira en 40 ár. Blóðsykursmælarnir Contour® and Breeze® eru einfaldir og háþróaðir mælar sem eru notaðir um heim allan.
Sölu- og markaðsstjóri Bayer Diabetes Care hjá Icepharma er Kristín Agnarsdóttir
• Bayer dýralyf framleiða og dreifa um 100 mismundandi lyfjum og efnasamböndum um allan heim bæði fyrir búfénað og gæludýr. Dýralyfjadeild Bayer er meðal framsæknustu framleiðanda dýralyfja í heiminum í dag og er eitt af fjórum stærstu fyritækjunum á sínu sviði. Meðal þekktustu lyfja þeirra á Íslandi eru Drontal og Baytril.
Markaðsstjóri dýralyfja er Hörður Sigurðsson
• Bayer Consumer Care sem er neytendavöruhluti Bayer skipar fyrirtækinu í hóp stærstu markaðsfyrirtækja í heiminum á sviði lausasölulyfja. Um er að ræða bæði lyf og fæðubótarefni. Í þennan hóp falla ýmis lyf sem eru Íslendingum að góðu kunn, eins og Asprin, Rennie og Canesten.
Markaðsfulltrúi Bayer Health Care er Elín Hilmarsdóttir