Markaðsstjóri Pfizer
Icepharma leitar að markaðsstjóra fyrir Pfizer.
Frá 1.desember nk. mun Icepharma annast alla sölu- og markaðsstarfsemi Pfizer á Íslandi. Þess vegna leitum við að markaðsstjóra fyrir Pfizer.
ÁBYRGÐ OG VERKEFNI
Markaðsstjóri Pfizer ber ábyrgð á daglegri stjórnun og rekstri markaðsdeildar Pfizer innan Icepharma, en gert er ráð fyrir að við deildina starfi u.þ.b. 5 starfsmenn. Markaðsstjóri sinnir markaðsgreiningu og stefnumótunarvinnu, annast framkvæmd markaðs- og söluáætlana í samvinnu við skrifstofu Pfizer í Kaupmannahöfn og tekur þátt í markaðssetningu og kynningu á lyfjum fyrir lækna og annað heilbrigðisstarfsfólk, ásamt fundum og ráðstefnum heima og erlendis. Ennfremur sinnir markaðsstjóri margs konar samskiptum fyrir hönd Pfizer, svo sem við íslensk heilbrigðisyfirvöld og hagsmunasamtök í lyfjaiðnaði.
Starfið heyrir undir framkvæmdastjóra Lyfjasviðs Icepharma.
MENNTUN OG HÆFNI
Markaðsstjóri Pfizer þarf að hafa sýnt af sér leiðtogahæfileika og mikla færni í starfsmannastjórnun og mannlegum samskiptum. Gerð er krafa um frumkvæði, fagmennsku, jákvæðni og sjálfstæði í vinnubrögðum. Markaðsstjóri þarf að hafa háskólamenntun, helst á sviði viðskipta- og heilbrigðisvísinda, reynslu af störfum á lyfjamarkaði og gott vald á ensku og einu Norðurlandamáli í ræðu og riti.
STARFSUMHVERFI
Starf markaðsstjóra Pfizer er fjölbreytt, faglegt og spennandi starf í krefjandi umhverfi á einhverjum mestu breytingartímum íslenska heilbrigðiskerfisins. Í boði er fagleg og persónuleg þjálfun, bæði heima og erlendis, auk góðra möguleika til að vaxa i starfi.
Icepharma leggur áherslu á gott og hvetjandi starfsumhverfi. Felstir birgjar okkar eru leiðandi á sínu sviði í heiminum, sem skipar Icepharma í fremstu röð fyrirtækja í heilbrigðisgeiranum á Íslandi. Þekking þeirra og reynsla er okkar styrkur.
UMSÓKNARFRESTUR ER TIL 28.JÚNÍ 2010
Umsóknir skal senda á netfangið bessi@icepharma.is
Nánari upplýsingar um starfið veitir Bessi H. Jóhannesson, framkvæmdastjóri Lyfjasviðs, á framangreindu netfangi.
Pfizer er stærsta lyfjafyrirtæki í heimi, stofnað árið 1849, og er leiðandi í rannsóknum og þróun lyfja. Starfsmenn fyrirtækisins um allan heim eru yfir 110.000. Markmið fyrirtækisins er að veita sjúklingum bestu meðferð sem kostur er á, í samvinnu við heilbrigðiskerfið, og tryggja þeim lengra og betra líf. Pfizer hefur markaðsleyfi fyrir u.þ.b. 80 mismunandi lyf á Íslandi og er hlutdeild fyrirtækisins í íslenskum lyfjamarkaði 9%.
Icepharma er eitt af stærstu fyrirtækjum landsins í sölu- og markaðssetningu á lyfjum, heilbrigðisvörum og lækningatækjum. Hjá fyrirtækinu starfa 75 manns með víðtæka menntun og þekkingu á heilbrgðisgeiranum. Icepharma er fyrirmyndarvinnustaður og við leggjum áherslu á jafnrétti og fjölskylduvænt umhverfi.