Roche styrkir "Göngum saman"
Göngum saman er styrktarfélag sem hefur það að markmiði að styrkja grunnrannsóknir á krabbameini í brjóstum með því að veita árlega rannsóknarstyrki. Helsta fjáröflunarleið félagsins er hin árlega styrktarganga en þetta er fjórða árið sem félagið stendur fyrir slíkri göngu. Í ár verður gengið sunnudagsmorguninn 5. september, gengið er af stað frá Perlunni kl. 11:00 í takt við fjörugan lúðrablástur. Fullorðið göngufólk er beðið að greiða 3.000 kr. í styrktarsjóð Göngum saman. Frítt er fyrir börn. Sjá nánar á www.gognumsaman.is Gögnum saman leggur áherslu á að lágmarka allan kostnað við framkvæmd göngunnar og allir sem koma að undirbúningi og framkvæmd gefa vinnu sína enda, eins og áður sagði, renna öll fjárframlög einstaklinga beint í styrktarsjóð félagsins. Undanfarin ár hafa á annað þúsund manns gengið í styrktargöngunni undir merkjum félagsins.
Undanfarin ár hefur orðið mikil þróun á sviði lyfjameðferðar gegn brjóstakrabbameini, m.a. í lyfjum frá Roche. Þó getur besta meðferð sem völ er á ekki bjargað lífi sjúklings ef meinið uppgötvast of seint. Hins vegar getur aukin þekking á sjúkdómnum orðið til þess að hann uppgötvist tímanlega. Þess vegna styður Roche árveknisátak gegn brjóstakrabbameini. Hér er hægt að sjá auglýsingu Göngum saman