BarnaAskjan
Pósturinn hefur tekið upp nýja vörulínu undir heitinu Askjan. Askjan er sterkur, spennandi og persónulegur auglýsingamiðill sem er notaður til að senda á útvaldan markhóp og er áritaður með nafni viðtakanda. Askjan hentar því mjög vel við markaðssetningu á vöru eða þjónustu og er góð leið til að ná athygli.
Askjan er pakki fullur af áhugaverður hlutum frá fyrirtækjum sem vilja nálgast markhópinn sinn með því að gefa þeim sýnishorn af vörum sínum. Sýnishornunum er safnað saman í eina öskju og þeir afhentir viðtakanda heim að dyrum. Ef viðkomandi er ekki við þegar Pósturinn kemur þá er skilin eftir tilkynning og hægt að nálgast sendinguna á næsta pósthúsi.
Fyrsta Askjan sem Pósturinn setur á markað er BarnaAskjan. BarnaAskjan er afhent öllum nýbökuðum mæðrum 6 mánaða barna. Icepharma ákvað að nýta sér þennan nýja og spennandi miðil og verður fyrsta BarnaAskjan með sýnishornum og bæklingum af þeim vörum sem Icepharma er umboðsaðili fyrir og hentar nýbökuðum mæðrum 6 mánaða barna. Má þar nefna t.d. HiPP lífrænan barnamat, Natracare náttúrulegar hreinlætisvörur, Toni & Guy hárvörur, Bamse tannkrem og margt fleira spennandi.