Heillakeðja barnanna 2012
Icepharma og Biomega barnavítamín eru stuðningsaðili Heillakeðju barnanna 2012 og munu taka einn mánuð í fóstur og leggja þannig málefninu lið með því að safna fé, með hjálp viðskiptavina sinna, til styrktar verkefna samtakanna í þágu barnanna.
Verkefnið sem er á vegum Barnaheilla, Save the Children á Íslandi verður í gangi allt árið og er ætlað að vekja athygli á málefnum og réttindum barna. Áheitavefurinn heillakedjan.is verður virkur fyrir einstaklinga upp úr miðjum mánuði og er facebook-síða komin í loftið (facebook.com/heillakedjan).
Átakinu verður ýtt úr vör á laugardaginn þar sem ætlunin er að mynda á heillakeðju 1000 barna í kringum Reykjavíkurtjörn í ljósaskiptunum kl.16. Börnin verða öll með neonljós og munu gera bylgju þegar hringnum hefur verið lokað. Börn og foreldrar eru hvött til að mæta og leggja þessu verðuga málefni lið og mæta kl. 15.45 við pallinn framan við Iðnó. Þar fá þau afhent neonljós áður en þau fara í keðjuna í kiringum tjörnina. Foreldrum er bent á að hægt er að leggja í bílastæðahús í ráðhúsi Reykjavíkur og við Garðastræti sem og í bílastæði Háskóla Íslands fyrir neðan Sæmundargötu.
Gengið hefur verið til samstarfs við íslensk fyrirtæki sem taka einn mánuð í fóstur þar sem þau leggja áherslu á réttindi barna og safna fé, með hjálp viðskiptavina sinna, til styrktar verkefna samtakanna í þágu barnanna. Hvert fyrirtæki mun fara ólíkar leiðir í sínum mánuði en hægt verður að fylgjast með því sem í boði verður á heimasíðu fyrirtækjanna og á Facebook-síðu Heillakeðjunnar.
Við vonumst til að sjá sem flest börn á laugardaginn.