Erlendir sérfræðingar þjálfa íslenska skurðhjúkrunar-fræðinga
Þann 3. og 4. desember næstkomandi mun ICEPHARMA í samstarfi við KARL STORZ halda námskeið fyrir skurðhjúkrunarfræðinga í húsakynnum Icepharma að Lynghálsi 13. Námskeiðið hefst 08.00 og lýkur 17.00.
KARL STORZ var stofnað árið 1945 og er vel þekkt á sviði lækningatækja. KARL STORZ er alþjóðlegt fyrirtæki sem framleiðir og selur áhöld, verkfæri og lækningatækjabúnað. KARL STORZ er leiðandi í heimi lækningatækja með tilliti til gæða, fjölbreytileika og nýsköpunar. Í dag framleiðir Karl Storz HD (high definition) holsjárbúnað sem er talinn sá besti á heimsmarkaði á sviði lækningatækja.
Tilgangur námskeiðsins er að efla þekkingu skurðhjúkrunarfræðinga á verkfærum og holsjárbúnaði.
Á námskeiðinu verður farið í kennslu á meðhöndlun, þrifum og viðhaldi á holsjárbúnaði og verkfærum því tengdu. Þátttakendur munu bæði sitja fyrirlestra og í kjölfarið fá verklega kennslu.
Í lok námskeiðsins fá þátttakendur viðurkenningarskjal fyrir þátttöku á námskeiðinu.