icepharma

Hvað er svona merkilegt við klósett?

Mon, 30 Mar 2026 15:06:31 GMT

Ropox, þar sem þægindin eiga að gilda

Hvað er svona merkilegt við klósett? Jú, allt, þegar rétt er gert.

Við fyrstu sýn mætti halda að myndin sýni bara saklaust klósett og vask. Ekkert til að stoppa við, skrolla bara áfram á næstu frétt. En stundum leynist mesta byltingin í hlutum sem við tökum algjörlega sem sjálfsögðum, eins og salernisaðstöðu.

Á hjúkrunarheimilinu Sunnuhlíð var nýlega stigið stórt (og bókstaflega upphækkanlegt) skref fram á við. Þau hjá Sunnuhlíð ákváðu að fjárfersta í tveimur upphækkanlegum Ropox-klósettum ásamt stuðningsvöskum í ný herbergi heimilisins. Þetta eru ekki bara „hver önnur klósett“, heldur lausnir sem auka sjálfstæði, öryggi og lífsgæði í daglegu lífi íbúa og geta aðstoðað umönnunaraðila í sínum störfum, sem skiptir öllu máli.

Þetta eru jafnframt fyrstu Ropox-klósettin og -vaskarnir sem Icepharma Velferð setur upp á íslandi, og viðtökurnar létu ekki á sér standa., Hingað til hefur ekki verið mikil fjölbreytni á þessum markaði. Nú er loksins komin raunveruleg samkeppni, meiri sveigjanleiki og ekki síst MDR-vottun.

MDR-vottunin er nauðsynleg fyrir árið 2028 og tryggir að búnaðurinn standist strangar kröfur um öryggi og gæði. Þar stendur Icepharma Velferð sterk og passar að ekkert fari frá okkur sem ekki uppfyllir hæðsu gæði og vottanir sem nauðsynlegar eru á vörum sem ætlaðar eru til notkunnar á heilbrigðisstofnunum.

Það er því kannski ekki skrýtið að gleðin hafi verið mikil á Sunnuhlíð. Hér er um að ræða lausn sem sameinar tæknilega snilld, hagkvæmni og mannúð, allt í einu klósetti og einum vaski.

Og þetta er bara byrjunin.

Markmiðið er skýrt: að koma upp bestu mögulegu salernisaðstæðum upp á sem flestum hjúkrunarheimilum landsins á viðráðanlegu verði.

Því stundum er það ekki stóra tæknin eða flóknu kerfin sem skipta mestu máli, heldur einfaldar, vel útfærðar lausnir sem gera daglegt líf aðeins betra.

Nýsköpun, tengsl og framtíðarsýn á tveimur frábærum ráðstefnum

Wed, 18 Mar 2026 10:42:13 GMT

Icepharma Velferð á Degi öldrunar og Vísindaþingi 2026: Nýsköpun, tengsl og framtíðarsýn

Í síðustu viku tók Icepharma Velferð þátt í tveimur af stærstu viðburðum heilbrigðisgeirans, Degi öldrunar og Vísindaþingi 2026.
Á báðum stöðum var líf og fjör, góð mæting og frábært tækifæri til að hitta bæði kunnugleg og ný andlit úr faginu.

Á Degi öldrunar vakti sérstaklega mikla athygli gervigreindarlausnin Teton, sem nýverið var innleidd á Landspítalanum og hefur einnig verið sett upp á Móbergi hjá Heilbrigðisstofnun Suðurlands.

Gestir sýndu lausninni mikinn áhuga og ljóst er að gervigreind gegnir sífellt stærra hlutverki í þróun heilbrigðisþjónustu.

Einnig vakti fjarheilbrigðislausnin Una töluverða athygli, en margir heilbrigðisstarfsmenn sáu þar mikla möguleika til að bæta aðgengi, auka öryggi og styðja þjónustu við sjúklinga óháð staðsetningu.

Á Vísindaþingi 2026 var áherslan lögð alfarið á Unu og þar fengum við að heyra beint frá gestum hversu mikil tækifæri felast í þessari lausn og hvernig hún gæti umbreytt heilbrigðisþjónustu til framtíðar inni á Landspítalanum og einkareknum læknastofum. Umræðurnar voru bæði áhugaverðar og uppbyggilegar og sýndu skýrt að þörfin fyrir sveigjanlegar og tæknivæddar lausnir er sífellt að aukast.

Auk þess kynntu aðrir starfsmenn Icepharma Heilbrigðislausna fjölbreyttar vörur og lausnir sem styðja við daglega umönnun og sérhæfða næringu sjúklinga, meðal annars frá Sorbact, Kessel, Coloplast og Nutricia.

Þessar lausnir gegna mikilvægu hlutverki í að bæta lífsgæði skjólstæðinga og styðja við fagfólk í krefjandi starfi.

Við viljum þakka öllum sem komu við hjá okkur á báðum viðburðum. Það er alltaf jafn gaman að hitta fagfólk, ræða nýjungar og skoða saman hvernig tæknin getur stutt við framtíð heilbrigðisþjónustu.

Við hlökkum til áframhaldandi samtals og samstarfs.

Teton One tekið í notkun á Landspítalanum

Mon, 16 Mar 2026 14:39:08 GMT

Grensásdeild sú fyrsta hér á landi með Teton One

Það hafa verið skemmtilegir og spennandi fyrstu dagar mars mánaðar hjá okkur í Icepharma Velferð.

Hún Laura frá Teton.ai kom hingað til lands til að aðstoða okkur við innleiðingu og þjálfun starfsfólks á Grensásdeild Landspítala í nýju gervigreindarkerfi sem nýlega var tekið í notkun á deildinni.

Í lok janúar setti tæknideild Icepharma upp búnaðinn, Teton One, á R2 á Grensásdeild. Með þessari innleiðingu er Grensásdeild fyrsta stofnunin á Íslandi til að taka slíka tækni í notkun en alls ekki sú síðasta, því nú þegar erum við byrjuð á uppsettningu lausnarinnar á HSU og undirbúningur fyrir íbúðarkjarna í Reykjarvík langt á veg komin.

Teton One byggir á nýjustu gervigreindartækni og er hannað til að veita starfsfólki betri yfirsýn yfir líðan og athafnir skjólstæðinga. Kerfið greinir sjálfkrafa ákveðnar aðstæður og getur þannig stutt við starfsfólk í daglegri umönnun. Rannsóknir sýna að með innleiðingu lausnarinnar hefur orðið að meðaltali 40% fækkun byltna og allt að 75% fækkun atvika, auk þess sem viðbragðstími getur styst um allt að 95%.

Lausnin byggir á ljósnæmis skynjurum og öflugri AI tölvu sem vinna saman að því að greina og túlka upplýsingar í rauntíma. Sérstök áhersla er lögð á persónuvernd, öll gögn eru greind innan hvers rýmis og í tækinu sjálfu.

Mikil tilhlökkun ríkir meðal starfsfólks að hefja fulla notkun kerfisins og þann 10. mars var aðgangur opnaður að fullu fyrir starfsfólk Grensásdeildar. Í tengslum við það fá allir starfsmenn deildarinnar einstaklingsmiðaða kennslu frá sérfræðingum Icepharma og fulltrúa Teton.ai.

Innleiðing þessarar tækni markar mikilvægt skref í þróun stafrænnar heilbrigðisþjónustu á Íslandi og styður við öruggari, skilvirkari og betri umönnun

Framtíðin er heima - Upptaka

Fri, 16 Jan 2026 12:42:43 GMT

Upptaka frá ráðstefnu Icepharma Velfeferð
Framtíðin er heima 13. janúar 2026

Ráðstefnan Framtíðin er heima fór fram þann 13. janúar 2026 á Grand Hótel.

Á staðnum voru margir af máttarstólpum íslenska heilbrigðiskerfisins. Dagurinn var fræðandi og skemmtilegur og mælum við með að þeir sem ekki sáu sér fært að mæta gefi sér tíma til að hlusta og horfa á ráðstefnuna hér.

Hægt er að fletta yfir á einstök erindi og hefja áhorf á þeim tímastimplum sem hér segir:

Opnunarávarp – Jón Magnús: 00:11:10
Heilsulæsi – Brynja Ingadóttir: 00:16:45
Fjárfestingar í velferðartækni – Sveinbjörn Ingi Grímsson: 00:42:30
Fjarheilbrigðislausnir SAk – Emilía Fönn Andradóttir og Eva Hilmarsdóttir: 01:09:30
Öryggi og traust í heimi fjarheilbrigðislausna – Helga Björnsdóttir: 02:05:00
Þegar tæknin hjálpar til – Marco van Elst (ENS): 02:15:00
Fjarheilbrigðisþjónusta í verki hjá Reykjavíkurborg – Auður Guðmundsdóttir og Ása Kolbrún: 03:19:00
Að koma hugmynd í framkvæmd – Ágúst Kristján Steinarsson: 04:04:00
Framtíðin er heima – Helga Dagný Sigurjónsdóttir: 04:32:00
Pallborðsumræður og spurningar: 04:46:00

Framtíðin er heima - Myndir frá ráðstefnu

Wed, 14 Jan 2026 14:29:38 GMT

Svipmyndir frá líflegum og skemmtilegum ráðstefnudegi - Framtíðin er heima

New Paragraph

Icepharma Velferð heldur áfram að vaxa

Wed, 07 Jan 2026 13:45:37 GMT

Icepharma Velferð styrkir teymið með ráðningu Herdísar Kristjánsdóttur

Icepharma Velferð hefur bætt við sig öflugum liðsmanni með ráðningu Herdísar Kristjánsdóttur í nýja stöðu viðskiptastjóra. Með ráðningunni er stigið mikilvægt skref í áframhaldandi uppbyggingu og þróun velferðartæknilausna innan sviðsins.

Herdís er hjúkrunarfræðingur að mennt og lauk MSc-prófi í stafrænni heilbrigðistækni frá Háskólanum í Reykjavík. Hún býr yfir víðtækri reynslu úr heilbrigðis- og velferðarkerfinu og hefur áður starfað meðal annars hjá Vinnuvernd, Landspítala og Heilsugæslu Höfuðborgarsvæðisins.

Herdís hóf störf hjá Icepharma Velferð 2. janúar 2026. Í starfi sínu mun hún meðal annars halda utan um Unu, fjarheilbrigðislausn Icepharma Velferðar, auk þess að koma að fleiri spennandi verkefnum sem eru í þróun og munu styðja við stafræna umbreytingu í heilbrigðisþjónustu.

Auk þess mun Icepharma Velferð njóta góðs af því að fá nema í starfsnám til liðs við sig næstu vikur og mánuði. Það er hún Sara Katrín Gunnarsdóttir, sem stundar MS-nám í stafrænni heilbrigðistækni við Háskólann í Reykjavík, sem mun taka þátt í fjölbreyttum verkefnum hjá fyrirtækinu og leggja sitt af mörkum til áframhaldandi þróunar og nýsköpunar.

Icepharma Velferð fagnar komu Herdísar og Söru Katrínar og bindur miklar vonir við framlag þeirra til áframhaldandi vaxtar, nýsköpunar og eflingar þjónustu við viðskiptavini og samstarfsaðila.

Nýr þyngdarvagn til öryggisprófana á loftlyftukerfum tekinn í notkun

Fri, 28 Nov 2025 10:04:54 GMT

Nýr þyngdarvagn til öryggisprófana á loftlyftukerfum tekinn í notkun

Icepharma Tækniþjónusta hefur tekið í notkun nýjan 250 kg þyngdarvagn frá Immo A/S , sem gerir kleift að framkvæma álagsprófanir á loftlyftukerfum með raunverulegu þyngdarálagi, í samræmi við leiðbeiningum framleiðanda. Með þessu er tryggt að kerfin beri þann þunga sem þau eru hönnuð fyrir og að öryggis- og neyðarvirkni standist kröfur.

Slíkar prófanir eru lykilþáttur í reglubundnu eftirliti og uppfylla bæði lagakröfur og gæðastaðla í heilbrigðisþjónustu. Fyrir viðskiptavini felur þetta í sér margvíslegan ávinning:

Örugg notkun – minni hætta á slysum og rekstrartruflunum.
Aukin fagmennska – þjónusta sem stenst alþjóðlega staðla og byggir á bestu tækni.
Traust og áreiðanleiki – kerfin prófuð við raunverulegar aðstæður.
Lengri líftími búnaðar – reglulegar prófanir draga úr bilunum og kostnaði.
Samræmi við lög nr. 132/2020 – allt eftirlit er skjalfest og unnið af viðurkenndum sérfræðingum, í samræmi við reglur um lækningatæki og hjálpartæki.

Með þessari fjárfestingu styrkir Icepharma Tækniþjónusta öryggi og gæði þjónustu sinnar og tryggir að loftlyftukerfi notenda standist strangar kröfur heilbrigðiskerfisins.

Jaundice gulumælir frá Dräger

Fri, 28 Nov 2025 10:00:00 GMT

Fjárfest í nýjum gulumæli til leigu fyrir heilbrigðisstofnanir

Icepharma Tækniþjónusta hefur nýverið fjárfest í Dräger Jaundice Meter JM-105 gulumæli. Tilgangurinn er að bjóða heilbrigðisstofnunum upp á leigumæli á meðan þeirra eigin tæki eru send erlendis í árlegt, lögbundið eftirlit, hjá framleiðanda. Þar sem gulumælirinn gegnir lykilhlutverki í greiningu á gulu hjá nýburum getur verið erfitt fyrir stofnanir að vera án hans og því var brugðist við með þessu úrræði.

Dräger Jaundice Meter JM-105 er leiðandi tæki til mælinga á gulu án blóðtöku, og krefst reglubundins gæða- og öryggiseftirlits til að tryggja nákvæmni og áreiðanleika. Slíkt eftirlit:

Tryggir stöðugar og klínískar réttar mælingar,
Eykur öryggi nýbura með því að draga úr hættu á röngum greiningum og óþarfa meðferðum,
lengir líftíma tækisins og bætir rekstrarhagkvæmni.

Reglubundið viðhald er ekki aðeins fagleg nauðsyn, heldur einnig lögbundin skylda samkvæmt lögum nr. 132/2020 og eftirliti Lyfjastofnunar. Með nýja leigumælinum tryggir Icepharma Tækniþjónusta að heilbrigðisstofnanir geti áfram veitt örugga og áreiðanlega þjónustu, án truflana á meðan viðhald fer fram.

Gæðamælingar á geislun röntgentækja hjá tannlæknum um allt land

Wed, 12 Nov 2025 12:35:23 GMT

Gæðamælingar á geislun röntgentækja hjá tannlæknum um allt land

Tækniþjónusta Icepharma hefur undanfarið séð um gæðamælingar á geislun röntgentækja hjá tannlæknum um allt land. Markmiðið er að tryggja að tækin uppfylli allar gildandi reglur og öryggiskröfur, bæði fyrir starfsfólk tannlæknastofa og sjúklinga.

Mælingarnar eru framkvæmdar með háþróuðum Raysafe-mælitækjum sem skila nákvæmum og áreiðanlegum niðurstöðum. Með reglubundnu eftirliti er hægt að staðfesta að geislaskammtar séu innan viðurkenndra marka, greina frávik og grípa til nauðsynlegra úrbóta ef þörf krefur.

Það er mikilvægt að tannlæknar láti framkvæma slíkar mælingar með reglulegu millibili til að tryggja bæði öryggi og gæði í greiningum. Gæðamælingarnar eru hluti af sífellt strangari kröfum um geislavernd og örugga notkun röntgentækja í heilbrigðisþjónustu.

Icepharma Velferð var á Hjúkrun 2025

Thu, 30 Oct 2025 15:01:02 GMT

Icepharma Velferð tók þátt í Hjúkrun 2025, stærstu ráðstefnu hjúkrunarfræðinga á Íslandi, sem haldin er annað hvert ár.

Ráðstefnan fór þetta árið fram í Hofi á Akureyri þar sem yfir 500 hjúkrunarfræðingar komu saman til að miðla þekkingu, deila hugmyndum og efla faglegt starf.

Á sama tíma kynntum við Unu sem er ný fjarheilbrigðislausn sem styður við markmið um að færa þjónustu nær fólkinu.

Una gerir einstaklingum kleift að fylgjast með eigin heilsu heima, tengjast heilbrigðisstarfsfólki á einfaldan hátt og stuðlar þannig að öruggari og skilvirkari þjónustu.

Við erum stolt af því að vera hluti af þessu mikilvæga samtali og leggja okkar af mörkum til nýsköpunar í heilbrigðiskerfinu.

Stefanía og Sturla stóðum vaktina fyrir hönd Icepharma Velferðar ásamt öflugum samstarfsaðilum frá Icepharma Heilbrigðislausnum og Icepharma Lyf.

Helga Dagný hélt svo áhrifamikið erindi um Snjallar lausnir á mönnunarvanda í hjúkrun þar sem áhuginn var svo mikill að fólk sat á gólfinu, stóð frammi eða kíkti inn um glugga og hurðir til að fylgjast með.
Það segir allt sem segja þarf: hjúkrunarfræðingar eru tilbúnir að taka þátt í breytingum.

Það er innblástur að sjá hversu opið fagið er fyrir nýrri tækni og lausnum sem geta stutt við störf hjúkrunarfræðinga.

Tæknin kemur ekki í stað mannlegrar umönnunar en hún gefur þeim tíma, stuðning og ný tól til að sinna sínum skjólstæðingum enn betur.

Við hjá Icepharma Velferð eru sannfærð um hjúkrunarfræðingar verða einn af drifkröftunum í þeirri framþróun sem þarf til að byggja upp sjálfbærara og skilvirkara heilbrigðiskerfi.

500.000 lyfjaskammtar gefnir á Íslandi

Tue, 28 Oct 2025 09:34:21 GMT

Ótrúleg vegferð Evondos lyfjaskammtara á Íslandi

Það er með stolti sem við hjá Icepharma Velferð lítum til baka yfir þá ótrúlegu vegferð sem Evondos lyfjaskammtarinn hefur farið á stuttum tíma hér á Íslandi. Frá því að samstarf Icepharma við Evondos hófst í lok árs 2021 hefur tæknin notið síaukinna vinsælda og sannað gildi sitt í daglegu starfi heilbrigðisstarfsfólks og hjá skjólstæðingum um land allt.

Á aðeins þremur árum hefur Evondos lyfjaskammtarinn skilað yfir 500.000 lyfjaskömmtum til einstaklinga sem búa heima og þurfa aðstoð við lyfjagjöf.

Þetta er stór áfangi sem endurspeglar bæði trausta þjónustu og frábært samstarf milli Icepharma Velferðar og þeirra sveitarfélaga og heilbrigðisstofnana sem hafa tekið Evondos lyfjaskammtarana í notkun.

Evondos lyfjaskammtarinn hefur gjörbreytt vinnudegi heilbrigðisstarfsfólks með því að auka öryggi, spara tíma og bæta lífsgæði notenda . Sjálfvirk lyfjagjöf tryggir að réttur skammtur er tekinn á réttum tíma, sem dregur úr mistökum, eykur meðferðarheldni og eykur sjálfstæði skjólstæðinga.

Þjónustuteymi Icepharma Velferðar hefur frá upphafi lagt áherslu á persónulega þjónustu, áreiðanleika og faglega eftirfylgni , sem hefur verið einn af lykilþáttunum í þeim árangri sem hefur náðst. Viðskiptavinir fá hraða og skilvirka aðstoð við innleiðingu, þjálfun og eftirfylgni, ásamt því að geta fengið þjónustu allan sólarhringinn í gegnum þjónustusíma.

„Við erum gríðarlega stolt af því að fá að taka þátt í þessari umbreytingu á heimahjúkrun og lyfjainnlitum á Íslandi,“ segir Stefanía Fanney Björgvinsdóttir. Viðskiptastjóri Icepharma Velferð. „Evondos hefur sannað sig sem velferðartæknilausn sem skilar raunverulegum ávinningi, fyrir heilbrigðisstarfsfólk, þá sem njóta þjónustunnar og fyrir heilbrigðisþjónustu á Íslandi.“

Framtíðin er björt, og nú þegar horfir Icepharma Velferð til næstu skrefa með nýjustu kynslóð Evondos sem munu enn frekar einfalda ferla, auka öryggi og bæta lífsgæði notenda.

Við hlökkum til áframhaldandi samstarfs við heilbrigðisstofnanir, sveitarfélög og þjónustuaðila um allt land, með það að markmiði að gera sjálfvirka, örugga og skilvirka lyfjagjöf heimavið að staðalbúnaði á Íslandi.

Starfsfólk HSN heimsótti Evondos í Finnlandi

Thu, 11 Sep 2025 15:17:46 GMT

Um þrjátíu starfsmenn heimahjúkrunar HSN á Akureyri fóru nýlega í náms- og kynnisferð til Finnlands ásamt starfsmönnnum Icepharma Velferð. Markmið ferðarinnar var að kynnast starfsemi Evondos og efla þekkingu og tengsl á sviði heimahjúkrunar. Í ferðinni var heimsótt verksmiðja Evondos þar sem framleiddir eru sjálfvirk lyfjaskammtarar sem HSN heimahjúkrun hefur verið að nota í sínum daglegu störfum undanfarin ár. Einnig fékk hópurinn tækifæri til að kynna sér tvö finnsk heimahjúkrunarumdæmi og sjá hverning dagleg störf heimahjúkrunar í finnlandi eiga sér stað. Auk þess sóttu starfsmenn HSN námskeið og vinnustofur á vegum Evondos og Icepharma Velferð þar sem rætt var um nýjungar, reynslu og þróun í þjónustu við skjólstæðinga. Mikil gleði og jákvæðni ríkti í hópnum alla ferðina og þakkar Icepharma Velferða öllum þátttakendum fyrir ánægjulega og lærdómsríka daga í Finnlandi.

Myndsímtal í gegnum Evondos Anna lyfjaskammtara samþykkt af Embætti landlæknis

Tue, 09 Sep 2025 14:55:13 GMT

Myndsímtöl auka öryggi og draga úr heimsóknaþörf

Evondos Anna sem þið eruð nú þegar að nota er með innbyggða myndavél og bíður upp á öruggt myndsímtalakerfi , sem gerir heilbrigðisstarfsfólki kleift að sjá notandann, fylgjast með lyfjainntöku og meta líðan skjólstæðings í rauntíma. Helsti ávinningur með notkun Evondos er m.a.:

Sveigjanlegri þjónusta og færri lyfjainnlit, sem dregur úr álagi starfsfólks og sparar tíma
Meira sjálfstæði og öryggi fyrir notendur.

„Samþykki Embættis landlæknis markar tímamót. Með Evondos Anna getum við boðið upp á nútímalegri og skilvirkari heimahjúkrun þar sem notendur upplifa öryggi og sjálfstæði, á sama tíma og heilbrigðisstarfsfólk getur nýtt tíma sinn betur,“ segir Stefanía viðskiptastjóri í tilkynningu frá Icepharma Velferð. Ef þú vilt vita meira og fá ítarlega kynningu á Evondos Anna þá skaltu endilega senda okkur póst á velferd@icepharma.is

Embætti landlæknis hefur samþykkt myndsímtala lausn í Evondos Anna lyfjaskammtaranum. Með þessu samþykki er nú hægt að framkvæma myndsímtöl milli notenda og heilbrigðisstarfsfólks innan umsjónarkerfis Evondos. Lausnin hefur nú þegar verið í notkun erlendis um nokkurt skeið og hefur reynst vel til að auka öryggi og sjálfstæði notenda. Við hjá Icepharma Velferð og Evondos viljum leggja okkar að mörkum til að aðstoða heilbrigðisstarfsfólk í þeirra mikilvæga starfi ásamt því að stuðla að sjálfstæðri búsetu og öryggi fyrir þeirra skjólstæðinga.

Hjúkrunarfræðingar í takt við nýja tíma

Mon, 23 Jun 2025 08:52:20 GMT

Hjúkrunarfræðingar í takt við nýja tíma

Þessi grein birtist upphaflega á vísi.is þann 16. júní

Alþjóðadagur hjúkrunarfræðinga var haldinn fyrir um mánuði síðan þann 12.maí og sama dag birti Alþjóðaheilbrigðismálastofnunin (WHO) metnaðarfulla skýrslu, ,,State of the World’s Nursing 2025”.

Í skýrslunni er kallað eftir markvissum fjárfestingum í menntun, störfum og leiðtogahlutverki hjúkrunarfræðinga og lögð rík áhersla á tækniþekkingu þeirra. Skýrslan undirstrikar að tækniþekking og stafrænir hæfileikar séu ekki lengur valkostur heldur nauðsyn í nútíma hjúkrun. Þjálfun í heilbrigðis- og velferðartækni er því orðinn mikilvægur þáttur í menntun hjúkrunarfræðinema sem og þeirra sem starfa við umönnun innan heilbrigðiskerfisins.

Þörf fyrir 3.700 ný hjúkrunarrými á næstu 15 árum

Við vitum í hvað stefnir en samkvæmt spá Hagstofunnar mun fjöldi fólks 80 ára og eldri næstum tvöfaldast á Íslandi næstu 15 árin og samkvæmt greiningu KPMG þarf að bæta við um 3.700 hjúkrunarrýmum á þessu tímabili. Vandinn er ekki eingöngu skortur á rýmum heldur snýst hann einnig um skort á starfsfólki.

Það væri óskandi að við gætum fjölgað nemum og útskrifuðum hjúkrunarfræðingum enda mikilvægt að fá fleiri hendur. Það er ljóst að við munum ekki ná tilsettum fjölda hjúkrunarfræðinga til að standa undir þeim aukna fjölda fólks sem mun þurfa á aðstoð að halda. Hugtakið mönnunargat er oft nefnt í þessu samhengi og vísar til þess þegar fjöldi starfsfólks sem er nauðsynlegur til að reka sjúkrahús, læknastofur og aðrar heilbrigðisstofnanir dugar ekki til að mæta aukinni eftirspurn eftir heilbrigðisþjónustu.

Heiminn vantar 11 milljónir heilbrigðisstarfsmanna

Þetta er ekki sér íslensk áskorun en samkvæmt WHO er mönnunarvandi ekki eingöngu staðbundið vandamál heldur alþjóðlegt. WHO áætlar að árið 2030 muni skorta allt að 11 milljónir heilbrigðisstarfsmanna á heimsvísu – fyrst og fremst í löndum með lágar eða meðaltekjur. Þörfin fyrir heilbrigðisstarfsfólk eykst stöðugt á meðan menntun, ráðningar og framboð af starfsfólki nær einfaldlega ekki að halda í við vaxandi þarfir. Þetta þýðir að baráttan um hæft heilbrigðisstarfsfólk á alþjóðavísu verður hörð. Við þurfum hreinlega að nýta betur það sem við höfum og þar kemur tæknin við sögu.

Tæknin er ekki hugsuð til að skipta út eða taka yfir störf hjúkrunarfræðinga heldur til að styðja þá í þeirra daglegu störfum. WHO leggur áherslu á að hjúkrunarfræðingar fái ekki aðeins tæknina í hendurnar, heldur einnig þá þjálfun og þann stuðning sem þarf til að nýta hana af þekkingu og öryggi. Það þarf að eiga sér stað tæknivæðing í umönnun og hún þarf að eiga sér stað í samvinnu við þá sem veita þjónustuna. Við þurfum lausnir sem veita hjúkrunarfræðingum aukna innsýn, betri yfirsýn, bættar vinnuaðstæður og raunverulegan stuðning í krefjandi starfi. Tækni sem getur sparað tíma, aukið öryggi og bætt lífsgæði bæði fyrir skjólstæðinga og starfsfólk.

Snjallar lausnir á mönnunarvandanum

Við getum ekki eingöngu leyst vandann með fleiri rýmum og fleira fólki heldur þurfum við einnig snjallari lausnir. Nærtækasta og fljótlegasta leiðin til að bæta úr mönnunarvandanum er að nýta snjallar lausnir sem hafa þegar sannað sig í nágrannalöndunum. Þannig getum við lært af þeirra reynslu og innleitt þessar lausnir hratt og örugglega.

Ef við ætlum að innleiða nýjar tæknilausnir í heilbrigðiskerfinu þá þurfum við að skapa skýran ramma í kringum innleiðinguna, nýta okkur gögn og setja fram mælanleg markmið. Við þurfum að horfa á heildarávinninginn en ekki festast í sílóhugsun. Slík hugsun felur oft og tíðum í sér að ákvarðanir er varða fjármögnun eru teknar út frá einstökum kostnaðarliðum í stað þess að horfa á heildarávinninginn. Við þurfum að tryggja menntun og endurmenntun starfsfólks í nýrri tækni og hér getur einkaframtakið spilað stórt hlutverk með því að mennta og þjálfa starfsfólk í þeim lausnum sem nú þegar eru til.

Hjúkrunarfræðingar eru einn af burðarásum heilbrigðiskerfisins, en framtíð hjúkrunar miðað við núverandi og komandi áskoranir er ekki möguleg án nýrra tæknilausna. Þetta eru ekki andstæður, heldur tvær hliðar á sama peningi. Við verðum að tryggja að tæknin verði samverkamaður hjúkrunarfræðingsins, ekki eitthvað sem kemur ofan frá, heldur eitthvað sem hjúkrunarfræðingar innleiða og nýta í þeirra núverandi vinnuumhverfi.

Grein þessi er tileinkuð öllum þeim hjúkrunarfræðingum sem á hverjum degi láta verkin tala og eru tilbúnir að taka á móti aðstoð tækninnar.

Höfundur: Helga Dagný Sigurjónsdóttir, framkvæmdastjóri Icepharma Velferð

Vitalis í Gautaborg og DMEA í Berlín

stefania@icepharma.is (Stefanía Fanney Björgvinsdóttir) — Wed, 04 Jun 2025 15:01:58 GMT

Vitalis í Gautaborg og DMEA í Berlín

Snemma árs 2025 fóru fram tvær af helstu ráðstefnum Evrópu á sviði stafrænnar heilbrigðistækni – Vitalis í Gautaborg og DMEA í Berlín. Báðar ráðstefnurnar drógu að sér sérfræðinga, fyrirtæki, stór sem smá ásamt fjöldann allan af stefnumótandi fólki sem vinnur að framtíð heilbrigðisþjónustu með áherslu á stafrænar lausnir, gagnadrifna þjónustu og sjálfbæra nýsköpun.

Við hjá I cepharma Velferð létum okkur ekki vanta á þessar mikilvægu ráðstefnur. enda er eitt af okkar helstu leiðarljósum að sækja okkur nýja þekkingu og fylgjast með nýjungum í velferðartækni til þess að geta boðið sem besta þjónustu og lausnir fyrir viðskiptavini okkar og er okkar stefna að halda áfram að miðla þeirri þekkingu með ykkur sem deilið með okkur framtíðarsýn um betri og sjálfbærari velferðarþjónustu.

Stefanía sótti Vitalis í Gautaborg, þar sem hún hitti samstarfsaðila okkar og kynnti sér nýjustu strauma í norrænni velferðartækni ásamt því að skoða mikið af spennandi nýjungum sem við munum sjá á komandi árum í heilbrigðiskerfinu.

Sturla var á DMEA í Berlín, þar sem áherslan var á heildrænar stafrænar lausnir, snjalla gagnanýtingu og framtíð heilbrigðiskerfisins í Evrópu.

Báðar ráðstefnurnar undirstrikuðu mikilvægi þess að byggja upp tæknivædda heilbrigðis- og velferðarþjónustu sem er örugg, skilvirk og einstaklingsmiðuð með stuðningi við nýja tækni og þverfaglegu samstarfi.

Við komum heim full af innblæstri og hugmyndum. Við hlökkum til að sjá hvað framtíðin mun svo bera með sér með þeim tækifærum sem við sáum að eru til staðar.

Vel heppnuð ráðstefna um mönnunarvanda í heilbrigðiskerfinu

Mon, 26 May 2025 15:35:06 GMT

Snjallar lausnir á mönnunarvanda í heilbrigðiskerfinu

Við hjá Icepharma Velferð erum afar ánægð með viðtökurnar við ráðstefnunni okkar, Snjallar lausnir á mönnunarvanda í heilbrigðiskerfinu, sem haldin var á Grand Hóteli í 9. janúar síðastliðinn. Ráðstefnuna sóttu um 170 fagaðilar sem fengu tækifæri til að hlýða á fjölbreytta og áhugaverða fyrirlesara sem ræddu meðal annars um lausnir sem geta bæði létt álagi á starfsfólki og bætt þjónustu við notendur.

Við teljum mikilvægt að skapa vettvang fyrir samtal og lausnir sem geta mætt áskorunum heilbrigðiskerfisins og vonumst til að ráðstefnan hafi veitt innblástur og hagnýtar hugmyndir fyrir framtíðina. Við þökkum öllum sem mættu og tóku þátt.

Heimsókn til Danmerkur

Tue, 06 May 2025 14:41:45 GMT

Heimsókn til Danmerkur

Helga Dagný Sigurjónsdóttir, framkvæmdastjóri Icepharma Velferð, dvaldi nýverið í Danmörku þar sem hún átti fundi og tók þátt í umræðum með hagaðilum innan danska heilbrigðiskerfisins um þróun og framtíð velferðartækni innan heilbrigðiskerfisins.

Helga Dagný hefur í gegnum störf sín lagt áherslu á að velferðartækni ein og sér leysir ekki áskoranir heilbrigðiskerfisins, heldur sé hún hluti af stærra og flóknara púsluspili sem krefst virks samstarfs milli margra aðila; notenda, heilbrigðisstarfsfólks, stjórnenda, tæknifyrirtækja og samfélagsins alls.

Í heimsókninni fundaði Helga meðal annars með Laureu Klitgaard, formanni IDA – verkfræðingafélags Danmerkur og með fulltrúum Ældre Sagen, dönskum samtökum sem vinna að því að tryggja öldruðum öruggt, gott og mannsæmandi líf. Þar var rætt um framtíðarsýn og tækifærin sem felast í því að hafa virkt samtal.

„Þetta voru virkilega lærdómsríkir dagar og mikil innblástur fyrir okkur á Íslandi. Samstarf milli ólíkra hagaðila með skýra sýn og virðingu fyrir hvort öðru er lykillinn að árangri í nýsköpun og velferðarþjónustu,“

Teton, eitt af þeim fyrirtækjum sem Helga heimsótti, hefur þróað snjalllausnir sem veita umönnunaraðilum svokallað „auka auga“ með því að gefa innsýn og vara við fallhættu. Eins og Malene, yfirhjúkrunarfræðingur á Nykøbing Falster sjúkrahúsinu, orðaði það: „Tæknin gefur okkur aukið öryggi og ró í vinnunni.“ Þar ræddi Helga einnig við Ricco Dyhr sjúkrahússtjóra Sjællands Universitetshospital, yfirhjúkrunarfræðinga og Dorthe Boe Danbjørg formann danska hjúkrunarfræðingafélagsins, Dansk Sygeplejeråd.

Áhersla var lögð á mikilvægi þess að hjúkrunarfræðingar og annað heilbrigðisstarfsfólk komi snemma að þróun/prófunum nýrra lausna, og að frumkvöðlar taki tillit til raunverulegra þarfa notenda. Nykøbing Falster spítalinn var einmitt fyrsti spítalinn til að innleiða lausn Teton og var sérstaklega gagnlegt að heyra hvernig samstarfið þróaðist þar.

Einnig heimsótti Helga forstjóra hjúkrunarheimila og samtök eldri borgara í viðkomandi sveitarfélögum, þar sem lögð var áhersla á að kynna lausnirnar og fá beint samtal og hugmyndir frá þeim sem þjónustan snýr að.

Upptaka frá ráðstefnu um mönnunarvandann í heilbrigðiskerfinu

admin@stefna.is (Stefna Hugbúnaðarhús) — Tue, 06 May 2025 14:35:51 GMT

Við hjá Icepharma Velferð héldum ráðstefnuna Snjallar lausnir á mönnunarvanda í heilbrigðiskerfinu, þann 9. janúar 2025.

Hér má sjá ráðstefnuna í heild sinni:

Ef einhverjar spurningar vakna, endilega hafið samband á velferd@icepharma.is

Kynnið ykkur einnig hvað fyrirlesarar okkar höfðu að segja eftir ráðstefnuna, nánar tiltekið hér .

Eldri kynslóðin á Blönduósi óhrædd við nýjustu tækni

admin@stefna.is (Stefna Hugbúnaðarhús) — Tue, 06 May 2025 14:35:51 GMT

Í liðinni viku afhenti Stefanía Fanney, viðskiptastjóri Icepharma Velferð, fyrsta gagnvirka Tover skjávarpann til sjúkrahússins á Blönduósi, í tilefni af afmælishátíð Hollvinasamtaka sjúkrahússins. Afhendingin markar tímamót í innleiðingu á nýrri velferðartækni fyrir eldri borgara á svæðinu.

RÚV heimsótti Blönduós og tók upp líflega og skemmtilega frétt sem sýnir hvernig tækninni hefur verið tekin fagnandi. Það gleður okkur að sjá hvernig ferlið hófst með Evondos lyfjaskammtara og hefur opnað dyr fyrir frekari lausnir sem allar hafa það markmið að styðja við bæði íbúa og umönnunaraðila.

Tover er gagnvirkur skjávarpi varpar myndum á borð og bregst við hreyfingum notenda. Hann er sérstaklega hannaður fyrir einstaklinga t.d. á hjúkrunarheimilum og stuðlar að aukinni félagslegri og líkamlegri virkni, sem getur haft veruleg áhrif á lífsgæði notenda.

Á myndinni má sjá púsluspili varpað á borð sem er eitt af mörgum leikjum og æfingum sem fylgja kerfinu.

Nánar um skjávarpann

Horfa má á innslag í fréttum RÚV um tæknina hér: Frétt á vef RÚV

icepharma

Hvað er svona merkilegt við klósett?

Ropox, þar sem þægindin eiga að gilda

Nýsköpun, tengsl og framtíðarsýn á tveimur frábærum ráðstefnum

Icepharma Velferð á Degi öldrunar og Vísindaþingi 2026: Nýsköpun, tengsl og framtíðarsýn

Teton One tekið í notkun á Landspítalanum

Grensásdeild sú fyrsta hér á landi með Teton One

Framtíðin er heima - Upptaka

Upptaka frá ráðstefnu Icepharma Velfeferð Framtíðin er heima 13. janúar 2026

Framtíðin er heima - Myndir frá ráðstefnu

Svipmyndir frá líflegum og skemmtilegum ráðstefnudegi - Framtíðin er heima

Icepharma Velferð heldur áfram að vaxa

Icepharma Velferð styrkir teymið með ráðningu Herdísar Kristjánsdóttur

Nýr þyngdarvagn til öryggisprófana á loftlyftukerfum tekinn í notkun

Nýr þyngdarvagn til öryggisprófana á loftlyftukerfum tekinn í notkun

Jaundice gulumælir frá Dräger

Fjárfest í nýjum gulumæli til leigu fyrir heilbrigðisstofnanir

Gæðamælingar á geislun röntgentækja hjá tannlæknum um allt land

Gæðamælingar á geislun röntgentækja hjá tannlæknum um allt land

Icepharma Velferð var á Hjúkrun 2025

Icepharma Velferð tók þátt í Hjúkrun 2025, stærstu ráðstefnu hjúkrunarfræðinga á Íslandi, sem haldin er annað hvert ár.

500.000 lyfjaskammtar gefnir á Íslandi

Ótrúleg vegferð Evondos lyfjaskammtara á Íslandi

Starfsfólk HSN heimsótti Evondos í Finnlandi

Myndsímtal í gegnum Evondos Anna lyfjaskammtara samþykkt af Embætti landlæknis

Myndsímtöl auka öryggi og draga úr heimsóknaþörf

Hjúkrunarfræðingar í takt við nýja tíma

Hjúkrunarfræðingar í takt við nýja tíma

Þörf fyrir 3.700 ný hjúkrunarrými á næstu 15 árum

Heiminn vantar 11 milljónir heilbrigðisstarfsmanna

Snjallar lausnir á mönnunarvandanum

Vitalis í Gautaborg og DMEA í Berlín

Vitalis í Gautaborg og DMEA í Berlín

Vel heppnuð ráðstefna um mönnunarvanda í heilbrigðiskerfinu

Snjallar lausnir á mönnunarvanda í heilbrigðiskerfinu

Heimsókn til Danmerkur

Heimsókn til Danmerkur

Upptaka frá ráðstefnu um mönnunarvandann í heilbrigðiskerfinu

Eldri kynslóðin á Blönduósi óhrædd við nýjustu tækni

Upptaka frá ráðstefnu Icepharma Velfeferð
Framtíðin er heima 13. janúar 2026