Actinica® sólarvörn
- með UVA og UVB vörn
- rakagefandi og með SPF 50+
- án ilmefna og PEG-ýruefna
- skammtari sem aðstoðar þig við að nota hæfilegt magn
- er með vatnsvörn
Klínískar rannsóknir hafa staðfest vörn gegn óæskilegum áhrifum sólarinnar.1
Actinica sólarvörn er fyrsta og eina sólarvörnin sem sýnt hefur verið fram á með klínískum rannsóknum að hafi fyrirbyggjandi áhrif gegn húðkrabbameini, öðru en sortuæxli (NMSC, Non-melanoma skin cancer) hjá ónæmisbældum sjúklingum. 1
Actinica lotion er sólarvörn sem þið getið mælt með fyrir einstaklinga með viðkvæma húð.
Frekari upplýsingar um eiginleika, notkun og áhættu af völdum notkunar lækningatækis er að finna í notkunarleiðbeiningum tækis.
Heimild:1. Ulrich C et al. Prevention of non-melanoma skin cancer in organ transplant patients by regular use of a sunscreen: 24 months, prospective, case-control study. Br J Dermatol 2009;161:78-84.
GAL260502 – maí 2026
Notkunarleiðbeiningar
Actinica® Lotion
Eiginleikar
Tveggja ára rannsókn, sem gerð var hjá ónæmisbældum sjúklingum (líffæraþegum) sem voru í mikilli hættu á að fá húðkrabbamein annað en sortuæxli, sýndi fram á að Actinica Lotion veitir virka vörn gegn geislunarhyrningu (actinic keratosis) og flöguþekjukrabbameini (squamous cell carcinoma).
Actinica Lotion veitir vörn gegn bæði UVA og UVB útfjólubláum geislum. Það inniheldur breiðvirk ljósvarnarefni sem eru stöðug í ljósi og leysast ekki í vatni.
Actinica Lotion er einnig rakagefandi og mýkir húðina. Áburðurinn er án ilmefna og hefðbundinna PEG-ýruefna, svo jafnvel er óhætt að nota hann á mjög viðkvæma húð.
Notkunar- og skömmtunarleiðbeiningar
Nota á Actinica Lotion allt árið með því að bera vel úti látna skammta á hverjum morgni á húðsvæði sem útsett eru fyrir sólarljósi. Bera á Actinica Lotion á húðina áður en aðrar snyrtivörureru bornar á (leyfa á Actinica Lotion að frásogast í húðina í nokkrar mínútur áður en það er gert). Eftir langan tíma í vatni eða með mikilli svitamyndun á að bera Actinica Lotion aftur á. Forðast á beint sólarljós og klæðast fatnaði sem hylur húðina.
Munur er á húðinni eftir líkamshlutum; myndirnar hér fyrir neðan sýna nokkurn veginn hve mikinn áburð þarf að nota á hvert húðsvæði. Ef minna magn er borið á dregur úr vörninni sem því nemur.
Til að dreifa betur úr áburðinum og á þægilegri hátt er hægt að bera stærri skammta á í tveimur umferðum, t.d. fyrst einn skammt úr dælunni og seinni skammtinn 5 – 10 mínútum síðar. Tryggja þarf að ekki líði lengri tími en 10 – 15 mínútur milli þess að fyrri og seinni umferðin eru bornar á.
Nota má upplýsingar um skömmtun á andlit og höfuð til viðmiðunar fyrir skömmtun á önnur húðsvæði.
Í fyrsta skipti sem skammtadælan er notuð þarf að dæla nokkrum sinnum áður en áburður kemur úr stútnum og fyrstu skammtar úr dælunni eru ekki af fullri stærð. Dæla á hægt til að fá fullan skammt úr dælunni.
Takmarkanir á notkun
Ekki er hægt að útiloka aukaverkanir af innihaldsefnunum í Actinica Lotion. Ef vart verður við ertingu, útbrot eða viðbrögð sem minna á sólbruna, þrátt fyrir að hafa ekki verið lengi í sólarljósi, geta það verið merki um aukaverkanir og þá ætti að nota aðrar húðvörur.
Forðast á að bera áburðinn á kringum augu og nota á sólgleraugu með góðri vörn gegn útfjólubláu ljósi, þar sem Actinica Lotion getur valdið sviðatilfinningu ef það berst í augu. Skola á augun með miklu vatni ef áburðurinn berst í þau.
Notkun samhliða skordýraáburði
Ef Actinica Lotion er notað samhliða skordýraáburði á að bera Actinica Lotion á fyrst. Bíða á í u.þ.b. 20 mínútur áður en skordýraáburðurinn er borinn á. Vörnin í Actinica Lotion getur verið minni við slíka notkun.
Varúðarráðstafanir
Innihaldsefnin sem veita vörn gegn útfjólubláu ljósi geta litað fatnað, gerviefni og önnur efni, svo sem yfirbreiðslur yfir heita potta og sundlaugar. Því er ráðlagt að bera Actinica Lotion ekki á rétt áður en farið er í föt.
Innihaldsefni
Bis-etýlhexýloxýfenól metoxýfenýl tríazín, etýlhexýl tríazón, ísóamýl p-metoxýcinnamat, etýlhexýl metoxýcinnamat, metýlen bis-benzótríazólýl tetrametýlbútýlfenól, bútýl metoxýdíbenzóýlmetan, própýlparaben, metýlparaben, hjálparefni.
