Framtíð heilbrigðisþjónustu í mótun hjá HSU

Icepharma Velferð átti ánægjulega og fróðlega heimsókn á Nýsköpunardag Heilbrigðisstofnunar Suðurlands (HSU) 2026, þar sem kynntar voru fjölmargar spennandi nýjar lausnir og verkefni sem HSU hefur verið að vinna að.

Það var áhugavert að fá innsýn í þá fjölbreyttu nýsköpun sem á sér stað innan HSU og hvernig nýjar lausnir eru teknar í notkun með það að markmiði að efla þjónustu, bæta starfsumhverfi og auka lífsgæði þeirra sem þjónustunnar njóta. Það verður sannarlega gaman að fylgjast með áframhaldandi þróun þessara verkefna á komandi misserum.

Sérstaklega fannst okkur áhugavert að heyra um innleiðingu og notkun Teton.ai á Móbergi, hjúkrunarheimili sem rekið er af HSU. Teton er gervigreindarlausn sem byggir á tölvusjón og er ætlað að styðja starfsfólk við umönnun með betri yfirsýn yfir hreyfingu og virkni íbúa. Eitt af megináherslusviðum Teton er fallvörn, þar sem lausnin getur greint möguleg fall og fallhættu og gert starfsfólki kleift að bregðast fyrr við.

Með slíkri tækni er hægt að styrkja fyrirbyggjandi umönnun og öryggi íbúa, jafnframt því sem dregið getur úr óþarfa truflun, til dæmis á næturnar. Þannig getur starfsfólk fengið betri upplýsingar þegar þörf er á og nýtt meiri tíma í mannleg samskipti og einstaklingsmiðaða umönnun.

Persónuvernd og reisn íbúa eru jafnframt mikilvægir þættir í hönnun lausnarinnar. Það verður því áhugavert að fylgjast með áframhaldandi notkun Teton á Móbergi og sjá hvaða reynsla og lærdómur verður til við innleiðinguna.Það er ánægjulegt að fylgjast með hvernig HSU er að nýta nýsköpun og tækni til að þróa heilbrigðis- og velferðarþjónustu áfram. Við hlökkum til að fylgjast með framþróun þeirra fjölmörgu verkefna sem kynnt voru á deginum.

Icepharma Velferð þakkar HSU kærlega fyrir skemmtilegan, áhugaverðan og fræðandi dag og fyrir að deila með okkur innsýn í þau fjölmörgu spennandi verkefni sem fram undan eru.