Þekking, tengsl og nýjungar í fyrirrúmi í vel heppnaðri kynnisferð

Heimsóknir til birgja og hjúkrunarheimila efla þekkingu og samstarf

Starfsfólk Icepharma Velferð fór nýverið í fróðlega og árangursríka ferð til Danmerkur og Svíþjóðar í þeim tilgangi að heimsækja nokkra birgja fyrirtækisins. Með í för voru sex starfsmenn frá hjúkrunarheimilunum Grund og Vigdísarholti, sem fengu tækifæri til að kynnast vörum, lausnum og nýjungum á vettvangi.

Í ferðinni voru heimsótt fyrirtækin Evidy í Svíþjóð, Teton og Ropox í Danmörku. Þar fengu þátttakendur innsýn í þróun og framleiðslu á búnaði og lausnum sem nýtast í daglegu starfi á hjúkrunarheimilum, auk þess sem farið var yfir framtíðarsýn og nýjar áherslur í velferðartækni.

Ferðin var afar gagnleg og skapaði gott tækifæri til að efla tengsl, miðla reynslu og auka þekkingu á þeim lausnum sem eru í boði. Slík samvinna styrkir faglegt starf og stuðlar að áframhaldandi þróun í þjónustu við íbúa hjúkrunarheimila.

Icepharma Velferð þakkar þátttakendum kærlega fyrir ánægjulega samveru og mikilvægt framlag í ferðinni.